ឪពុកម្ដាយគ្រប់រូប
សុទ្ធតែចង់ឲ្យ កូនៗរបស់ខ្លួនក្លាយជាមនុស្សម្នាក់ ដែលរឹងមាំ និង
ជោគជ័យក្នុងវិថីជីវិតនៅពេលអនាគត។ ដោយសារតែបែបនេះហើយ
បានជាឪពុកម្ដាយទាំងអស់បានខិតខំគ្រប់បែបយ៉ាង
បើទោះបីជារវល់ជាមួយនឹងការងារប្រចាំថ្ងៃយ៉ាងណាក៏ដោយ ព្រោះថា
បើខ្វះការយកចិត្តទុកដាក់
កូនៗរបស់ខ្លួនអាចនឹងក្លាយជាមនុស្សដែលមិនល្អ ឬ
ជាមនុស្សដែលមិនអាចប្រកួតប្រជែងជាមួយនឹងពិភពខាងក្រៅបានឡើយ។ ខាងក្រោមនេះ
គឺជាគន្លឹះសំខាន់ៗដែលអ្នកដែលត្រូវបង្រៀនកូនៗរបស់អ្នកដើម្បីក្លាយជាមនុស្សជោគជ័យនៅពេលអនាគត៖
១)
បង្រៀនឲ្យចេះគោរពអ្នកដទៃ
ការគោរព គឺជាចំណុចមួយដែលមនុស្សគ្រប់រូបមិនអាចខ្វះបាន ក្នុងការប្រាស្រ័យទាក់ទង និង រស់នៅក្នុងជីវិតប្រចាំថ្ងៃ។ ដូច្នេះហើយ ក្នុងនាមអ្នកជាឪពុកម្ដាយ គួរព្យាយាមអប់រំ និង ពន្យល់កូនៗឲ្យយល់ច្បាស់អំពីតម្លៃនៃការគោរពចំពោះអ្នកដទៃ។ បើកាលណា កូនៗរបស់អ្នកចេះគោរពអ្នកដទៃ មិនប្រើសម្ដីកោងកាង ឬ ច្រឡើសបើសជាដើម នោះមានន័យថា ពួកគេនឹងក្លាយជាមនុស្សដែលត្រូវបានមនុស្សជុំវិញខ្លួន និង សង្គមចូលចិត្ត និង ស្រលាញ់រាប់អាន ដែលវាពិតជាមានប្រយោជន៍សម្រាប់ការសិក្សា ធ្វើការ និង រស់នៅ។
ការគោរព គឺជាចំណុចមួយដែលមនុស្សគ្រប់រូបមិនអាចខ្វះបាន ក្នុងការប្រាស្រ័យទាក់ទង និង រស់នៅក្នុងជីវិតប្រចាំថ្ងៃ។ ដូច្នេះហើយ ក្នុងនាមអ្នកជាឪពុកម្ដាយ គួរព្យាយាមអប់រំ និង ពន្យល់កូនៗឲ្យយល់ច្បាស់អំពីតម្លៃនៃការគោរពចំពោះអ្នកដទៃ។ បើកាលណា កូនៗរបស់អ្នកចេះគោរពអ្នកដទៃ មិនប្រើសម្ដីកោងកាង ឬ ច្រឡើសបើសជាដើម នោះមានន័យថា ពួកគេនឹងក្លាយជាមនុស្សដែលត្រូវបានមនុស្សជុំវិញខ្លួន និង សង្គមចូលចិត្ត និង ស្រលាញ់រាប់អាន ដែលវាពិតជាមានប្រយោជន៍សម្រាប់ការសិក្សា ធ្វើការ និង រស់នៅ។
២)
បង្រៀនឲ្យក្លាយជាមនុស្សស្មោះត្រង់
ភាពស្មោះត្រង់ពិតជាសំខាន់ខ្លាំងណាស់ ព្រោះគ្មាននរណាម្នាក់ចង់រស់នៅជាមួយ នឹងមនុស្សដែលពូកែបោកប្រាស់ និង កុហកភូតភរមិនចេះឈប់នោះឡើយ។ ដូច្នេះហើយ ឪពុកម្ដាយទាំងអស់ត្រូវគិតឲ្យបានច្បាស់អំពីចំណុចនេះ ដើម្បីរិះរកវិធីធ្វើយ៉ាងណាឲ្យកូនៗក្លាយជាមនុស្សម្នាក់ដែលមានភាពស្មោះត្រង់ ដែលវាជាតម្លៃដ៏ធំធេងមួយរបស់មនុស្សទូទៅ។ កាលណាអ្នកអាចបណ្ដុះភាពស្មោះត្រង់លើខ្លួនរបស់កូនៗរបស់អ្នកបានហើយ នោះពួកគេនឹងចូលប្រឡូកក្នុងការងារសង្គមប្រកបដោយកិត្តិយស និង សេចក្ដីថ្លៃថ្នូរ។ ភាពស្មោះត្រង់នេះ នឹងនាំឲ្យពួកគេក្លាយជាមនុស្សជោគជ័យយ៉ាងពិតប្រាកដនៅពេលអនាគតដ៏ខ្លីខាងមុខ។
ភាពស្មោះត្រង់ពិតជាសំខាន់ខ្លាំងណាស់ ព្រោះគ្មាននរណាម្នាក់ចង់រស់នៅជាមួយ នឹងមនុស្សដែលពូកែបោកប្រាស់ និង កុហកភូតភរមិនចេះឈប់នោះឡើយ។ ដូច្នេះហើយ ឪពុកម្ដាយទាំងអស់ត្រូវគិតឲ្យបានច្បាស់អំពីចំណុចនេះ ដើម្បីរិះរកវិធីធ្វើយ៉ាងណាឲ្យកូនៗក្លាយជាមនុស្សម្នាក់ដែលមានភាពស្មោះត្រង់ ដែលវាជាតម្លៃដ៏ធំធេងមួយរបស់មនុស្សទូទៅ។ កាលណាអ្នកអាចបណ្ដុះភាពស្មោះត្រង់លើខ្លួនរបស់កូនៗរបស់អ្នកបានហើយ នោះពួកគេនឹងចូលប្រឡូកក្នុងការងារសង្គមប្រកបដោយកិត្តិយស និង សេចក្ដីថ្លៃថ្នូរ។ ភាពស្មោះត្រង់នេះ នឹងនាំឲ្យពួកគេក្លាយជាមនុស្សជោគជ័យយ៉ាងពិតប្រាកដនៅពេលអនាគតដ៏ខ្លីខាងមុខ។
៣)
បង្រៀនឲ្យចេះទទួលខុសត្រូវ
បុគ្គលមួយចំនូនមិនសូវទទួលខុសត្រូវនូវទង្វើរបស់ខ្លួននោះទេ។ មិនថាធ្វើអ្វីក៏ដោយ ការទទួលខុសត្រូវគឺជាគន្លឹះដ៏សំខាន់ដែលជួយឲ្យមនុស្សទទួលសម្រេចគោលដៅ ឬ ជោគជ័យតាមបំណងរបស់ខ្លួន។ ចំពោះការងារជាក្រុមវិញ បើសមាជិកណាម្នាក់ជាមនុស្សដែលមិនចេះទទួលខុសត្រូវនោះ វានឹងធ្វើឲ្យការងារទាំងមូលមិនងាយនឹងសម្រេចបានឡើយ ដូច្នេះហើយបានជា គេទាមទារឲ្យសមាជិកទាំងអស់ត្រូវមានទំនួលខុសត្រូវខ្ពស់បំផុត លើអ្វីដែលកំពុងធ្វើ។ ដោយសារតែ ការទទួលវាសំខាន់បែបនេះហើយ អ្នកត្រូវតែបង្រៀនកូនៗឲ្យចេះទទួលខុសត្រូវលើអ្វីដែលពួកគេបានធ្វើ មិនថាជារឿងតូច ឬ រឿងធំក្តី ព្រោះថាវាពិតអាចជួយសាងផ្លូវដ៏រឹងមាំមួយ នាំកូនៗទៅរកភាពជោគជ័យមិនខាន។
បុគ្គលមួយចំនូនមិនសូវទទួលខុសត្រូវនូវទង្វើរបស់ខ្លួននោះទេ។ មិនថាធ្វើអ្វីក៏ដោយ ការទទួលខុសត្រូវគឺជាគន្លឹះដ៏សំខាន់ដែលជួយឲ្យមនុស្សទទួលសម្រេចគោលដៅ ឬ ជោគជ័យតាមបំណងរបស់ខ្លួន។ ចំពោះការងារជាក្រុមវិញ បើសមាជិកណាម្នាក់ជាមនុស្សដែលមិនចេះទទួលខុសត្រូវនោះ វានឹងធ្វើឲ្យការងារទាំងមូលមិនងាយនឹងសម្រេចបានឡើយ ដូច្នេះហើយបានជា គេទាមទារឲ្យសមាជិកទាំងអស់ត្រូវមានទំនួលខុសត្រូវខ្ពស់បំផុត លើអ្វីដែលកំពុងធ្វើ។ ដោយសារតែ ការទទួលវាសំខាន់បែបនេះហើយ អ្នកត្រូវតែបង្រៀនកូនៗឲ្យចេះទទួលខុសត្រូវលើអ្វីដែលពួកគេបានធ្វើ មិនថាជារឿងតូច ឬ រឿងធំក្តី ព្រោះថាវាពិតអាចជួយសាងផ្លូវដ៏រឹងមាំមួយ នាំកូនៗទៅរកភាពជោគជ័យមិនខាន។
៤) បង្រៀនឲ្យចេះអធ្យាស្រ័យ
ចំណុចសំខាន់មួយដែលអ្នកមិនគួរមើលរំលងនោះគឺ ការបង្រៀនកូនរបស់អ្នកឲ្យក្លាយជា មនុស្សដែលចេះអធ្យាស្រ័យ។ គ្មាននរណាម្នាក់ដែលមិនចេះខុសនោះទេ ដូច្នេះមានតែការអធ្យាស្រ័យប៉ុណ្ណោះដែលអាចជួយមនុស្សឲ្យមានឱកាសកែប្រែកំហុសរបស់ខ្លួនឡើងវិញ៕
ចំណុចសំខាន់មួយដែលអ្នកមិនគួរមើលរំលងនោះគឺ ការបង្រៀនកូនរបស់អ្នកឲ្យក្លាយជា មនុស្សដែលចេះអធ្យាស្រ័យ។ គ្មាននរណាម្នាក់ដែលមិនចេះខុសនោះទេ ដូច្នេះមានតែការអធ្យាស្រ័យប៉ុណ្ណោះដែលអាចជួយមនុស្សឲ្យមានឱកាសកែប្រែកំហុសរបស់ខ្លួនឡើងវិញ៕