ថ្វីត្បិតតែអាជីវករខ្នាតតូច
និង សហគ្រិនធ្វើអាជីវកម្មដូចគ្នាក៏ពិតមែន
ប៉ុន្តែអ្វីដែលគេរកឃើញនោះគឺថា បុគ្គលទាំងពីរប្រភេទនេះ
មានចំណុចខុសគ្នាជាច្រើនគួរឲ្យកត់សម្គាល់ទាំងការគិត យុទ្ធសាស្ត្រ ឬ
សកម្មភាពនានារបស់អាជីវកម្ម។ល។ ដោយមិនទៅណាឆ្ងាយ
នៅថ្ងៃនេះគេហទំព័រសេដ្ឋកិច្ច TheBNEWS សូមណែនាំប្រិយមិត្តស្វែងយល់ពីចំណុចខុសគ្នាមួយចំនួន
រវាងអាជីវករខ្នាតតូច និង សហគ្រិន ដែលមានជាបន្តបន្ទាប់ដូចខាងក្រោម៖
គំនិតរបស់របស់អាជីវករខ្នាតតូច
អាជីវករខ្នាតតូចមានគំនិតល្អៗ ច្រើនហើយសម្លឹងមើលគន្លឹះនានា ដោះស្រាយបញ្ហាអាជីវកម្មតែនៅ ក្នុងសហគមន៍របស់ខ្លួនតែប៉ុណ្ណោះ។ អ្វីដែលពិសេសនោះគឺពួកគេអាចសម្លឹងឃើញពីប្រភេទអាជីវកម្មដែលឆ្លើយតបចំៗទៅ នឹងតម្រូវការប្រចាំថ្ងៃរបស់អតិថិជនតែម្តង និងជឿជាក់ថាអាជីវកម្មរបស់ពួកគេនឹងអាចធ្វើឲ្យអតិថិជនពេញចិត្ត។
គំនិតរបស់សហគ្រិន
ងាកមកមើលគំនិតរបស់សហគ្រិនវិញ បើប្រៀបធៀបទៅនឹងអាជីវករខ្នាតតូច គឺខុសគ្នាខ្លាំងណាស់ ពោលគឺសហគ្រិនមានក្តីស្រមៃ និង មហិច្ឆតាខ្ពស់ហួសពីមនុស្សដទៃ។ ក្តីស្រមៃ និង មហិច្ឆតារបស់សហគ្រិន គឺជាអ្វីដែលអ្នកដទៃមិនធ្លាប់ឆ្លងកាត់ ឬ គ្មានអ្នកណាម្នាក់ធ្លាប់សាកល្បងអនុវត្តក្តីស្រមៃ និង មហិច្ឆតានោះនៅពេលកន្លងមក។ មានពេលខ្លះពួកគេមិនដឹងថាមហិច្ឆតារបស់ខ្លួនធ្វើឲ្យអ្នកដទៃគិតថាមិនអាចទៅរួច នេះហើយដែលធ្វើឲ្យជីវិតរបស់សហគ្រិនគួរឲ្យចាប់អារម្មណ៍។
អាជីវករខ្នាតតូចសម្លឹងមើលលទ្ធផល
សម្រាប់អាជីវករខ្នាតតូចវិញ ពួកគេចូលចិត្តចង់ដឹងអ្វីដែលនឹងកើតមាននៅពេលបន្ទាប់ភ្លាមៗ និង មានប្រភពមកពីណា ហើយបង្កើតការសម្រេចចិត្តមួយដើម្បីទទួលបានផ្លែផ្កាមួយយ៉ាងច្បាស់លាស់។ លទ្ធផលរបស់ពួកគេមិនធំដុំនោះឡើយ ប៉ុន្តែអាចធ្វើឲ្យអាជីវកម្មរបស់ពួកគេបោះជំហានទៅមុខជានិច្ច។
សម្រាប់អាជីវករខ្នាតតូចវិញ ពួកគេចូលចិត្តចង់ដឹងអ្វីដែលនឹងកើតមាននៅពេលបន្ទាប់ភ្លាមៗ និង មានប្រភពមកពីណា ហើយបង្កើតការសម្រេចចិត្តមួយដើម្បីទទួលបានផ្លែផ្កាមួយយ៉ាងច្បាស់លាស់។ លទ្ធផលរបស់ពួកគេមិនធំដុំនោះឡើយ ប៉ុន្តែអាចធ្វើឲ្យអាជីវកម្មរបស់ពួកគេបោះជំហានទៅមុខជានិច្ច។
សហគ្រិនសម្លឹងមើលហានិភ័យ
សម្រាប់សហគ្រិនវិញ ខ្លួនបានចាត់ទុកថា ហានិភ័យគឺជាថ្នាំប៉ូវធ្វើឲ្យអាជីវកម្មរបស់ខ្លួនកាន់តែរឹងមាំឡើង និង មានឱកាសរីកចម្រើនកាន់តែច្រើន។ សហគ្រិនជួបប្រទះហានិភ័យច្រើនជាងអាជីវករខ្នាតតូច ប៉ុន្តែជាទូទៅភាពជាសហគ្រិនមិនចុះចាញ់ជាដាច់ខាត ហើយយល់ថាការខិតខំប្រឹងប្រែង និង ការព្យាយាមអាចធ្វើឲ្យអាជីវកម្មរបស់ខ្លួនបោះជំហានទៅមុខជានិច្ច។
សម្រាប់សហគ្រិនវិញ ខ្លួនបានចាត់ទុកថា ហានិភ័យគឺជាថ្នាំប៉ូវធ្វើឲ្យអាជីវកម្មរបស់ខ្លួនកាន់តែរឹងមាំឡើង និង មានឱកាសរីកចម្រើនកាន់តែច្រើន។ សហគ្រិនជួបប្រទះហានិភ័យច្រើនជាងអាជីវករខ្នាតតូច ប៉ុន្តែជាទូទៅភាពជាសហគ្រិនមិនចុះចាញ់ជាដាច់ខាត ហើយយល់ថាការខិតខំប្រឹងប្រែង និង ការព្យាយាមអាចធ្វើឲ្យអាជីវកម្មរបស់ខ្លួនបោះជំហានទៅមុខជានិច្ច។
អាជីវកម្មខ្នាតតូចសម្លឹងមើលលទ្ធផលក្នុងរយៈពេលខ្លី
និយាយពីលទ្ធផលរបស់អាជីវករខ្នាតតូចវិញ បានផ្ដោតទៅលើតែយុទ្ធសាស្ត្រ ឬ វិធីសាស្ត្រណាដែលធ្វើឲ្យខ្លួនអាចសម្រេចបានត្រឹមតែសបា្តហ៍នេះតែប៉ុណ្ណោះ។ បញ្ជី ឬ គម្រោងនានាដូចជា ការគ្រប់គ្រងបុគ្គលិក ទំនាក់ទំនងជាមួយអតិថិជន ឬ កសាងទំនាក់ទំនងជាមួយអតិថិជនថ្មីថ្មោងត្រូវមានជាប្រចាំ ដែលនេះធ្វើឲ្យពួកគេអាចគ្រប់គ្រងអ្វីគ្រប់យ៉ាងបាន និង បោះជំហានទៅមុខ។
សហគ្រិនសម្លឹងមើលលទ្ធផលក្នុងរយៈពេលវែង
ផ្ទុយពីអាជីវករខ្នាតតូច សហគ្រិនបានផ្ដោតទៅលើសមិទ្ធផលរយៈពេលវែង យ៉ាងហោចណាស់ក៏៦ ខែទៅមុខដែរ។ និយាយឲ្យងាយយល់គឺប្រមើលមើលជោគវាសនារបស់ក្រុមហ៊ុននៅពេលអនាគតជាសំខាន់។ ក្រុមការងាររបស់សហគ្រិន នឹងស្វែងរកយុទ្ធសាស្ត្រថា តើត្រូវធ្វើអ្វីខ្លះនៅពេលនោះ? តើសមិទ្ធផលត្រូវសម្រេចឲ្យបានដល់កម្រិតណា? មានបុគ្គលិកជាច្រើននឹងគ្រប់គ្រង ឬ ទទួលខុសត្រូវគម្រោងអាជីវកម្មទាំងនោះ ហើយបើគ្មានទេ សហគ្រិននឹងរកមនុស្សដែលមានសមត្ថភាពមកបំពេញការងារបេសកកម្មនេះភ្លាមៗដោយមិនបង្អែបង្អង់នោះឡើយ។
អាជីវករខ្នាតតូចមានមនោសញ្ចេតនាខ្ពស់លើអាជីវកម្មរបស់ខ្លួន
ទន្ទឹមនឹងមានមហិច្ឆតាតូចតាច និង ការគិតក្នុងរយៈពេលខ្លី គេបានរកឃើញជាទូទៅថា អាជីវករខ្នាតតូចមិនបានធ្លាប់គិតថា មានគម្រោងចង់លក់ ឬ ប្រគល់អាជីវកម្មរបស់ខ្លួនទៅឲ្យបុគ្គលណាផ្សេងណាស់ លើកលែងតែគ្រួសាររបស់ខ្លួន។ ពួកគេរីករាយក្នុងការគ្រប់គ្រង និង ប្រកបរបរអាជីវកម្មរបស់ខ្លួនពីមួយថ្ងៃទៅមួយដោយពេញចិត្តជាទីបំផុត។
ទន្ទឹមនឹងមានមហិច្ឆតាតូចតាច និង ការគិតក្នុងរយៈពេលខ្លី គេបានរកឃើញជាទូទៅថា អាជីវករខ្នាតតូចមិនបានធ្លាប់គិតថា មានគម្រោងចង់លក់ ឬ ប្រគល់អាជីវកម្មរបស់ខ្លួនទៅឲ្យបុគ្គលណាផ្សេងណាស់ លើកលែងតែគ្រួសាររបស់ខ្លួន។ ពួកគេរីករាយក្នុងការគ្រប់គ្រង និង ប្រកបរបរអាជីវកម្មរបស់ខ្លួនពីមួយថ្ងៃទៅមួយដោយពេញចិត្តជាទីបំផុត។
សហគ្រិនផ្ដោតលើឱកាសបោះជំហានទៅមុខកាន់តែធំឡើង
ចំពោះសហគ្រិន ពេលខ្លះក៏មានមនោសញ្ចេតនាខ្ពស់ដល់អាជីវកម្មរបស់ខ្លួនដែរ ពោលគឺមិនចលក់ ឬ ប្រគល់ទៅឲ្យអ្នកណាផ្សេងនោះដែរ ត្បិតអីខ្លួនយល់ថាការគ្រប់គ្រង និង ដឹកនាំក្រុមហ៊ុនដោយខ្លួនឯង គឺជារៀងចាំបាច់បំផុត។ ប៉ុន្តែអ្វីដែលខុសពីអាជីវករខ្នាតតូចនោះគឺថា សហគ្រិនចង់ឲ្យអាជីវកម្មរបស់ខ្លួនរីកលូតលាស់កាន់តែធំឡើងគ្មានដែនកំណត់ជាមួយនឹងធនធានមនុស្សជំនាញៗសម្រាប់ដឹកនាំក្រុមហ៊ុន។ នៅអាមេរិក គេត្រូវការអាជីវករខ្នាតតូចឲ្យគ្រប់គ្រងសេដ្ឋកិច្ចរបស់ខ្លួន ខណៈដែលសហគ្រិនវិញជាអ្នកជំរុញសេដ្ឋកិច្ចឲ្យលូត លាស់ទៅមុខ។ ប៉ុន្តែអ្វីដែលសំខាន់នៅពេលនេះនោះគឺថា តើប្រិយមិត្តអ្នកចង់ធ្វើជាអាជីវករខ្នាតតូច ឬ សហគ្រិន?
ចំពោះសហគ្រិន ពេលខ្លះក៏មានមនោសញ្ចេតនាខ្ពស់ដល់អាជីវកម្មរបស់ខ្លួនដែរ ពោលគឺមិនចលក់ ឬ ប្រគល់ទៅឲ្យអ្នកណាផ្សេងនោះដែរ ត្បិតអីខ្លួនយល់ថាការគ្រប់គ្រង និង ដឹកនាំក្រុមហ៊ុនដោយខ្លួនឯង គឺជារៀងចាំបាច់បំផុត។ ប៉ុន្តែអ្វីដែលខុសពីអាជីវករខ្នាតតូចនោះគឺថា សហគ្រិនចង់ឲ្យអាជីវកម្មរបស់ខ្លួនរីកលូតលាស់កាន់តែធំឡើងគ្មានដែនកំណត់ជាមួយនឹងធនធានមនុស្សជំនាញៗសម្រាប់ដឹកនាំក្រុមហ៊ុន។ នៅអាមេរិក គេត្រូវការអាជីវករខ្នាតតូចឲ្យគ្រប់គ្រងសេដ្ឋកិច្ចរបស់ខ្លួន ខណៈដែលសហគ្រិនវិញជាអ្នកជំរុញសេដ្ឋកិច្ចឲ្យលូត លាស់ទៅមុខ។ ប៉ុន្តែអ្វីដែលសំខាន់នៅពេលនេះនោះគឺថា តើប្រិយមិត្តអ្នកចង់ធ្វើជាអាជីវករខ្នាតតូច ឬ សហគ្រិន?